����vlog���

Бид уурхай, хайлуулах, боловсруулах үйлдвэр, борлуулалтын төв, өгөгдлийн удирдлагын төв, судалгаа хөгжлийн лаборатори, хиймэл оюун ухааны төв ажиллуулах зэргээр дэлхийн 35 улсад үйл ажиллагаа явуулж байна. Манай геологичид алс хязгаар газар нутгуудыг судалж, манай байгаль хамгаалагчид Канадын хүрэн баавгай, Австралийн баруун эргийн нүүдлийн шувуудыг хамгаалах үйлсэд хүчин зүтгэдэг. Үйлдвэрлэдэг түүхий эдээ дэлхий даяарх хэрэглэгчдийн тусгай хэрэгцээнд нийцүүлэхийн төлөө манай маркетингийн баг ажилладаг.

Бид дэлхийн хамгийн том робот, бас хамгийн жижиг роботыг (түүнийг Марк гэж нэрлэдэг) зохион бүтээсэн. Рио Тинто групп очир эрдэнийн уурхайгаа эрчим хүчээр хангах зорилгоор Арктикийн тойргоос урагш 200 км газарт салхин цахилгаан станц байгуулсан. Мөн 2018 онд малтмал түлш, түүний дотор нүүрсний бизнесээс татгалзсан цор ганц уул уурхайн томоохон компани болсон юм. Бид уур амьсгалын өөрчлөлтийн шийдэлд гар бие оролцох чин хүсэл эрмэлзэлтэй төдийгүй үүнийгээ ч бодитой ажил хэрэг болгон, хувь нэмр оруулсаар байна.

Бид Худалдан авагчдынхаа эрэлт хэрэгцээг хангах, хөрөнгө оруулалтыг сахилга баттай хуваарилах, чанартай төслүүд, урт хугацаанд таатай нөхцөл бүхий салбарт хөрөнгө оруулж, хувьцаа эзэмшигчдэдээ онцгой үр өгөөж өгч ажиллахыг бид эрмэлздэг.

Манай компани Испанийн Андалусиа мужийн Рио Тинто голын эрэгт 1873 онд байгуулагдсан. Бид өнөөг хүртэл хийж бүтээсэн бүхнээрээ бид бахархдаг.

Манай хамт олон Рио Тинтогийн ирээдүй улам тод гэрэлтэх ирээдүйд итгэдэг, түүнийхээ төлөө тууштай зүтгэдэг.

Санаа тавих, зоригтой байх, сониуч байх бидний үнэт зүйлс нь манай хамт олны хэрхэн ажиллаж, бие биедээ хэрхэн хандах хандлагыг чиглүүлнэ.

Үйл ажиллагаа явуулж буй орон нутаг, хамт олон, хүрээлэн буй орчинд санаа тавих:

Бид эргэн тойрныхоо хүмүүсийн бие, сэтгэлийн аюулгүй байдал, сайн сайханд нэн тэргүүнд анхаарал тавьж ажилладаг. Бид бусдыг хүндэтгэж, итгэлцэл бүхий харилцаа бэхжүүлж, өөрсдийн үйлдлийн үр нөлөөг анхаардаг. Бид хамт олон, орон нутаг, байгаль дэлхийн сайн сайхан ирээдүйд хувь нэмэр оруулахыг эрэлхийлдэг.

Шинийг санаачлах, санал бодлоо хэлэх, зөв зүйлийг хийх зоригтой байх:

Бид ёс зүйтэй байж, буруу зүйлсийн эсрэг дуугарч, холбогдох шийдвэрийг гаргадаг. Шинэ зүйлс туршихаас айдаггүй. Хэцүү ярвигтай нөхцөл байдлыг бид эергээр хүлээн авч, хамтын зорилгоо биелүүлэхийн төлөө тууштай байдаг.

Хамтран ажиллах, суралцах, шинийг зохион бүтээх хүсэл эрмэлзэлтэй, сониуч байх:

Олон ургалч санал санаачилгыг дэмжиж, ганцаараа биш багаараа хамтран ажилладаг. Бид аливааг илүү сайн, улам аюулгүй хийх арга замыг байнга эрэлхийлж, үргэлж суралцаж байдаг. Бусдаас, бас эргэн тойрноосоо бид урам зориг авч байдаг.

Манай стратеги

Нүүрсхүчлийн хийн ялгарлыг бууруулах үйлсийг бид бизнесийнхээ үндсэн зорилт болгож байна. 2021 онд хүлэмжийн хийн ялгаруулалтыг бууруулах 1 ба 2 дугаар цар хүрээг шинээр тодорхойлж, дараах гурван чиглэлд бизнесийн стратегийг төлөвлөөд байна. Үүнд:

• Сэргээгдэх эрчим хүч ашиглах, үйлдвэрлэлийн процессыг цахилгаанжуулах, цахилгаан тээврийн хэрэгсэл ашиглах замаар нүүрсхүчлийн хийн ялгарлыг бууруулах явцыг түргэсгэх.
• Нүүрсхүчлийн хийн ялгарлыг тэглэхэд жинтэй хувь нэмэр оруулахуйц түүхий эдийн бизнест хөрөнгө оруулалтаа нэмэгдүүлэх, зэс болон зай хураагуур, сайн чанарын төмрийн хүдрийн бизнесээ тэлэх.
• Нүүрсхүчлийн хийн ялгаруулалтаа түргэн хугацаанд бууруулах боломжийг үйлчлүүлэгчдэдээ олгох бүтээгдэхүүний хөгжүүлэлтийг дэмжих чиглэлд хөрөнгө оруулалтаа нэмэгдүүлэх.

Эдгээр зорилтоо биелүүлэхийн тулд засгийн газар, орон нутаг, хэрэглэгчид, их сургуулиуд болон бусад хамтрагчидтайгаа бид нягт хамтран ажиллаж байна. Ингэхдээ хөрөнгө оруулалтаа ухаалгаар удирдахын зэрэгцээ ногдол ашиг үргэлжлүүлж өгсөөр байх болно. Санхүүгийн нөөц боломждоо тулгуурлан уул уурхайн бүхий л циклийн үед ашиг орлого өгөхүйц дэлхийн түвшний орд, хөрөнгүүдийг хөгжүүлэх, бас зайлсхийх аргагүй түүхий эдийн үнийн уналтаас бизнесээ хамгаалахад чиглэж ажиллана.